Singer : Ajay Devgn
Music by : M. M. Kreem
Lyrics by : Manoj Muntashir
Male : {Jab dil se dhuaan utha barsaat ka mausam tha
Sau dard diye usne jo dard ka mehram tha
Humne hi sitam dhaaye humne hi qahar tode
Dushman the hum hi apne auron mein kahan dum tha
Male : Milta hai jo kisson mein woh pyaar diya tune
Hum phir bhi rahe khali hum phir bhi rahe sune
Do boond ki baarish tu hum pyaas the sehra ki
Jitna hi tujhe paaya utna hi humein kam tha
Dushman the hum hi apne auron mein kahan dum tha
Male : Koi aadha adhoora sa vaada humein yaad aaya
Khat likhne tujhe baithe kya kya humein yaad aaya
Likha to bahut kuch tha par bheja nahi humne
Chooke jo zara dekha kaagaz woh bahut nam tha
Dushman the hum hi apne auron mein kahan dum tha…} (Dialogue)
